哈哈~為左要記低我英國o既回憶....就算過左成個月....我都要打番佢出黎~!!!!!

6 July
呢日係我地o係York的最後一日...所以我地好把握時間咁去埋d景點...
原本諗住去左B&B就近的Yorkshire Museum先啦....點知....佢入場費貴到爆....
都算....仲要門口有個此地無銀o既牌...話自己好多野睇....
我地見到佢間野個面積都完全唔覺會有好多野睇囉.....
所以....最後大家就去左唔使$$的National Rail Museum....仲好多野睇tim呀!!!!!
都幾正囉....好彩無俾人昆到!!!
下午我地就攞好晒行李....齊齊去坐火車出London lu~~~
雖然途中有D事發生左.....不過最後都無野喇~
大約晚黑10點....我地終於都到左London的B&B喇~

7 July
我地呢日開始就有5 日都會stay o既London....但係一個London點都玩唔到5日...
所以我地就決定去d鄰近地方玩下....第一個就係我最熟悉o既Brighton喇~!!!
我記得5年前o既呢一日...係我o係Brighton第一日上堂o既日子....天氣好好...
不過5年後o既呢一日....迎接我回歸o既竟然係橫風橫雨....=.=.......
算~!!!....好在雨好快細左.....不過....風就極大....吹到人都癲.....輕d都吹走呀.....
雖然Brighton無乜變.....但係d野都貴晒囉~....連Royal Pavillion都唔俾影相tim喎.....
唉~....果然十年人事幾番新呀.........
好在....都行左幾個地方......不過原來Brighton真係一日都行唔晒嫁喎~......
最後...我地去左supermarket買左野返去煮晚餐~

8 July
續尋日去完Brighton....今日我地又去Cambridge喇.....
原來我之前連半個Cambridge都未行得晒呀.......
好在今次同埋佢地一齊再去過姐.....he~.....
去左坐船仔遊康河~......
再行埋個town.....正~....writing仲o係道大出血tim呀.....哈哈~
我地6個人一共買左百幾鎊英鎊朱古力呀......好勁呀~~XD
哈~....跟住就開開心心咁返London喇~

仲有......................

1 July
星期二…黎左Edinburgh的第3日…..
最開心同正的就係去左睇有關Whisky o既野&飲Whisky…
但對於呢一個城市…經過左呢3日之後…我只有一個結論…..
“我唔鍾意呢個地方，我唔會再黎!!!!!”

2 July
星期三…今日我地終於可以去到我今個行程入面其中一個最夢寐以求o既地方喇~~
就係Lake District喇~!!!...我地今次就去其中一個湖~ Windermere!
去之前…首先要 “過5關”…因為我地要攞住勁多行李5分鐘轉火車……
最後…3分幾鐘搞掂…coz都算近…..勁!
不過呢道真係超靚呀~~~~~勁大自然…勁正!!!....
而且我地今次係住B&B… “Bed & Breakfast”……
我地住果間B&B好靚嫁~充滿維多利亞色彩…仲勁有屋企feel~
個老闆又好人…早餐又好食…又大份…下次去都要再住果道!!!

3 July

星期四…今日我地朝早食完早餐就出去…
首先去左搭船船遊一遊湖&去一個叫Lakeside的地方….
然後再去搭蒸汽火車~~
雖然旅程唔算長…不過都幾好玩…hehe…未坐過ma…..
之後由於NaNa俾 “Thomas”火車o既野吸住左o既關係….
我就同Zoe懶低左佢地3個…2個人返去Bowness…..
去我地勁想去o既地方…The World of Beatrix Porter…
去搵我地勁愛的Peter Rabbit喇~!!!!!
呢個亦係我今次個trip的第二個出升血地……=.=……
但係可以見到好多咁得意o既野…勁開心!!!!!

4 July
星期五…我地今日就完結左Lake District o既旅程…要去York喇~
但係o係未到之前…就要 斬埋 “6將”先….

因為我地上演左一部 “曼切斯特轉車記”…..
但一切都係因為我地唔信票務員叔叔o既說話…..
自己沖左去張ticket寫果個站落車…..
轉車時間只有7分鐘…..部車又遲左…..
最重要係個站轉車要過第個月台…仲要無lift…得樓梯…..
因為Zoe D行李最輕…所以佢第一時間去幫我地頂住車門
大家唯有用9秒9的時間搬晒D行李上上又落落…
好左阿豬o係呢個時間突然使出佢o既男子氣概…
一手攞起最重果個喼(我的…)…再黎多一個好人哥哥自告奮勇幫手…
所以最後…大家都可以上到火車車去York喇~~~

本團金句：痴痴呆呆坐埋一枱，拎住行李四圍抬

5 July

星期六…今日有一日o既時間行York…可惜天公不造美…勁落雨…
所以我地去完Castle Museum之後就決定周圍行一陣之後就返去B&B…
當我地行到想返去之際…又發現左一條街….
o係呢條街行行下…又發現左Cath Kidston…仲要係減價喎…..
無理由唔入去睇掛….結果….except阿豬&威威…
Zoe, NaNa & 我…都芾`滿載而歸…哈哈哈~~~
跟住晚黑先係最精彩的~~…
因為我地join左York最出名的Ghost Hunt Tour……
但係….大家都有一個問題…呢道成10點先天黑…
7:30pm就起行o既Ghost Hunt…會點Hunt….同會有幾驚呢???
結果…係唔驚的…而且仲勁好笑 + 勁好玩~!!!.....
完全明白點解個Tour會咁出名呀!!!!!

由於太耐無得上網....所以宜家要upload番d遊記上黎喇.....

26 June
星期四….我地成班人又一齊去出左outing…..
今次仲去左2個地方tim…
就係”莎士比亞”的故鄉…Stratford-upon-Avon同Leamington喇….
今日我都夠喪啦….一日之內買左10本書….傻嫁…..

當中有4本係莎士比亞的名著 & 一本精美o既notebook…..
行埋成個town….感覺更正…..
但係…我個銀包…就血流成河…..

27 June

星期五…今日係Warwick返學o既最後一日喇…….
今日一早返到學校….就開始做presentation…..
我地係最後一組….因為我地個topic係British Music Groups的關係…
成個present就o係一片歡樂o係歌聲中結束…..
中午又去左好貴的Scarman House食lunch…真係勁好味!!!
我地仲收到Uni張cert. 勁靚囉~….不過真係好唔捨得呀……….>.<

28 June

星期六…今日一早就要離開Kenilworth…
由食早餐開始…我就已經眼濕濕……
我個host mum一早都起左身揸車送我出去…
去到車站之後…我真係忍唔住喊左出黎…..
因為唔停得車…..所以佢好快就走左…
我只好o係Zoe個膀頭道喊左一陣…
之後我地又坐車車出London….開始我地個”走佬之旅”~!
點解係”走佬”呢???....becoz我地實在太多行李喇…..

每行一段路都好辛苦….所以大家邊道都唔想去…..
結果…當我地去到巴士站settle好之後….
Zoe, NaNa & Gary就決大o係車站坐成日…
而我同Writing就去左Notting Hill行下喇~
原來Notting Hill個Local Market好多野行嫁…
除左有一D賣衫，精品等o係攤擋外…仲有蔬果，熟食咁…
D野又新鮮喎…真係好正嫁….我地行晒成條街都差唔多行左2個鐘呀!
行完之後就返左去同佢地一齊等11pm上車喇…..
晚上11:15…正式展開我地去Edinburgh的9個鐘o既巴士旅程喇!!!

哈哈~...隔左差唔多成個星期未打tim....
究竟呢D日子入面我做左D咩呢???

好啦...首先係星期四....
學校帶左我地去一個我地好熟悉o既地方...Coventry
不過今次唔係去行街....而係去參觀~
我地meet左Lady Godiva...佢係一個古代人物...(當然係宜家的人扮啦!)
跟住佢帶我地行左古時Coventry的地方...
1. St. Mary's Guildhall
2. Old Coventry Cathedral (Ruins)
3. New Cathedral
4. The First Cathedral of Coventry
全部都好靚呀~!!!...雖然行左好耐....好tired....但係好值!

Then...星期六...
又係學校Trip...今次我地去London...
晨早起身...好討厭...落雨...佢地叫"Shower"...
去Clock Tower上車...足足坐左2個鐘先到....勁耐...
London真係好香港呀............
落車原本諗住去Backingham Palace睇換兵...
點知趕唔到.....下次囉.....
跟住去左Big Ben, Parliment House, Westminster Abbey & Dowing Street...
之後再趕去British Museum & China Town
我地一行9人....好準時咁返到去上旅遊巴o既地方....點知.....
有4個人遲到......一切事情就好混亂咁發生左......
詳情...想知就問我啦....
最後....應該上車o既無上到....原本以為佢上唔到o既就竟然上到......
唉~...總之一個字..."亂"

到左星期日.....
由於巴士服務太差o既關係...我地都只係去左Coventry行街.....
去左行所謂的Warehouse.....但係.....好似同想像中有D出入...
anyway...我都o係Gap買左條十分平的skinny jeans....9.99pounds....
再o係Boots買左2枝aftersun lotion...4.59pounds...買一送一.....
都算有收穫...
之但係...o係我返到Kenilworth諗住去行supermarket之際.....
佢竟然close左....但時間只係下午4點幾.....
唔好開丫ma.....咁早close.....真係超無奈.....

今日......如常返學放學......
但係返到屋企先知我個host mum要出街....得番我一個....
...HOME ALONE...
超悶呢~!!!
咁就打埋未打的Xanga啦.....不過今日到此為止....要訓覺覺喇....